இந்த யோகங்களுக்கு உங்களின் வாழ்க்கையில் என்ன பங்கு?

துர்தரா யோகம்

ஒரு ஜாதகத்தில் சந்திரனிலிருந்து  12-ஆம் பாவத்திலும் 2-ஆம் பாவத்திலும் சுப கிரகங்கள் இருந்தால், துர்தரா யோகம் உண்டாகும்.  இதில் பிறப்பவர்கள் பணக்காரர் களாக இருப்பார்கள். தைரியசாலியாக இருப்பார்கள். பலரைக் காப்பாற்றுபவராக இருப்பார்கள்.

கேமேந்தும் யோகம்

ஒரு ஜாதகத்தில் லக்னத்திலிருந்து  2-ஆம் பாவத்தில், 12-ஆம் பாவத்தில் எந்த கிரகங்களும் இல்லாமலிருந்தால், இந்த யோகம் உண்டாகும். இதில் பிறப்பவர்கள் நல்ல பணவசதியுடன் இருப்பார்கள். நல்ல வாரிசு இருக்கும். பெயர், புகழ் இருக்கும். வாழ்க்கை நன்றாக இருக்கும்.

வோஸி யோகம்

ஒரு ஜாதகத்தில் 12-ஆம் பாவத்தில் சூரியனையும் சந்திரனையும் தவிர, வேறு எந்த கிரகங்கள் இருந்தாலும், இந்த யோகம் உண்டாகும். இதில் பிறப்பவர்கள் பண வசதியுடன் இருப்பார்கள். பணத்தைச் சேமிப்பார்கள். பெரிய மனிதர்களாக இருப்பார்கள். பெயர், புகழ் இருக்கும்.

வேஸி யோகம்

ஒரு ஜாதகத்தில் சூரியனிலிருந்து 2-ஆம் பாவத்தில் சந்திரனைத் தவிர வேறு எந்த கிரகங்கள் இருந்தாலும், இந்த யோகம் உண்டாகும். இதில் பிறப்பவர்கள் தைரியசாலியாக இருப்பார்கள். நேர்மை குணம் உள்ளவர்களாக இருப்பார்கள். அறிவாளியாக இருப்பார்கள். போரில் வீரனாக சண்டை போடுவார்கள்.

 உபயசாரி யோகம்

ஒரு ஜாதகத்தில் சூரியனிலிருந்து 2-ஆம் பாவத்திலும், 12-ஆம் பாவத்திலும் சந்திரனைத் தவிர, வேறு எந்த சுபகிரகங்கள் இருந்தாலும், இந்த யோகம் உண்டாகும். இதில் பிறப்பவர்கள் பருமனாக இருப்பார்கள். அரசரைப்போல சந்தோஷமாக இருப்பார்கள். எப்போதும் உற்சாகத்துடன் இருப்பார்கள்.

புத்ராஹீன் யோகம்

ஒரு ஜாதகத்தில் 5-ஆம் பாவத்திற்கு அதிபதி, 6-ஆம் பாவத்தில், 8-ஆம் பாவத்தில், 12-ஆம் பாவத்தில் இருந்தால், இந்த யோகம் உண்டாகும். இதில் பிறப்பவர்களுக்குக் குழந்தை இருக்காது. பலருக்கு ஆண் குழந்தை இருக்காது. ஒருவேளை இருந்தால், வளர்ந்த பிறகு, அந்த வாரிசு பெற்றோருடன் இருக்காது.

செல்: 98401 11534